Santai-santai enggau YB Dennis Ngau ADUN N 67 Telang Usan

Kena ke 23/1/2016 Rumah Ridab udah bebendar ngatur sebengkah pengawa iyanya di kumbai "Santai santai begulai enggau YB Dennis Ngau" ke mayuh bendar nabur pemansang ngagai menua sungai pasir. Bala sama bela gawa kunsi mela pemakai. Terima kasih ngagai tukang panggang babi enggau sayap manuk ke kiruh bendar maya nya. Pengawa nya mujur udah ka YB Dennis nyempulang pemeri rengka guna baka TV LCD, Kerusi malas, enggau kebukai ngagai bala PDK, Enda tinggal mega YB bisi nyua ke chek mata duit ngagai Rumah Panjai, Biro Sukan., SIDS, enggau Gereja BEM Sungai Pasir. Enda lebu ngapa Rumah Panjai mega bisi meri cenderahati ngagai YB Dennis Ngau. Pemanah Budi ya tetap dikenang. Rumah Panjai Sungai Pasir Sayau Amat ke ya laban udah mujur mai beda pemansang . Perintah aja ulih meri bantu ngagai pemansang ba menua pesisir kelebih agi kitai kediau Ba Rumah Panjai. Munyi nya jaku ari tuai rumah ti seruran nyukung YB Dennis Ngau .(enggau ati ti sinu beraie). Nya meh naka tu dulu lansa berita ari aku wai..jam tu serekat bendar mupuk dulu aku. pengarang sungai pasir, Mr Norris Musi.

Tuai Meri Jaku pengelalu basa ngagai bala kedatai

Bala PDK Sungai pasir nerima rengka guna ari YB

Jaku seleka dua bekaul enggau pemansang ari Pemancha wilson

Bala Temuai ke bisi datai kemari

Nerima chek ari YB DENNIS NGAU Riversand FC

Ngerapat ke kaul

Mc udah bendar bejaku maya nya

BERENGKAH NGECHAT RUMAH PANJAI SEBAKA CHURA

Rumah Ridab Sungai Pasir Marudi udah berengkah ngechat rumah diri sebaka chura memagang. Chat ke di beri YB Dennis Ngau ngagai Rumah tu terus di kereja bala ke bisi lepa ba rumah panjai. Enggau temegah ati tuai rumah dulu ngepun ke pengawa ngechat udah nya di titih rakyat iya ke bukai. Pemanah chura ke sebaka magang nunjuk ke jalai singkang ba rumah panjai ke idup beserakup  nitih ke atur pemansang. Pemanah YB DennIS  Ngau ngagai kitai di menua sungai pasir tetap di kenang belama. Mayuh tulung enggau bantu udah di beri ya sekumbang megai ranting poyut nibong ke di baruh ADUN Telang Usan. Naka tu dulu cherita ngechat unggal haha, baruh tu lagi aku engkah ka gambar maya kitai serumah kiruh ngechat.

Tuai Rumah Ridab Berengkah Muka Tong Chat

Besai Sub Apai Puna

Ngechat siling Kaki 5

Ngechat tiang rumah agi

Ngemeran ke chara pengidup ti bepengerai

bejoging manah amai kena nunu sekeda kalori

Sungai pasir : Selamat pagi bala kitai semua, enggau basa ti besai aku deka mai kitai semoa mansang ngubah chara pengidup ti lama ti enda bepengerai. berduduk ari gaya kemaya ari mayuh macham bendar utai ti ngasuh kitai mensia terpejuh ngagai pengawa ke nadai mai pengerai. Ambi ke chunto baka nginsap, ngirup arak kelalu mayuh, makai enda bertagang , enggau mayuh agi kebukai. Nya alai sesais ninting ari ulih nyauh ke kitai ari penyakit kelebih baka penyakit jantung, tinggi kolestrol enggau kebukai. Nyadi naka tu aja dulu ari aku.. tu semina info genteran ke pandak aja ari sungaipasir.bloger..ari aku chairman Biro Lumba main sungai pasir marudi.Mupuk dulu aku.

SALAM MANIS GULA BATU ARI PENGARANG SUNGAIPASIR BLOGGER

Selamat pagi semua. Nama berita kita bujang sigat, dara bajik , aya jegak , ibuk steady.. hahaha seraya deka betundi tumu pagi . Ngambi ke gigi perenching tampak di peda neh bakih.. Nyadi baka ke diatu enda laun ga aku madah selamat taun baru ngari ka sidang media Sungai Pasir Blogger Press. Taun tu aku deka mantai ka mayuh agi cerita ba rumah panjai Rumah Ridab Sungai Pasir Marudi ngambi ke bisi di kenang , ngambi ka bisi nyadi ke tenggau ngagai bala bansa kitai kelebih agi bansa iban bekaul enggau pemansang dalam gempuru pengidup rumah panjai di menua pesisir sama ulih nitih peneras arus pemansang ke makin rachak enda ngira dini endur kitai diau. Nyadi Rumah di Sungai Pasir taun 2015 udah mandang ka mayuh atur tauka pengawa ke bersangkut paut enggau pemansang. Bala JKKK udah bebendar ngaga pengawa ngambi ka rumah panjai semampai bisi program ba taun taun ke deka datai. Tuai Rumah mega udah nyelit ka motto Rumah Panjai Sungai Pasir iyanya,  "SAYAU MEH KE RUMAH SUNGAI PASIR KITAI" . Motto tu mai reti ti chukup besai ngagai bala kitai semua , kitai semua sama bela nemu enda ngira lebuh kitai semua di tuntung penusah enggau lebuh maya kitai senang kitai mega agi begempung ati nyaup pangan diri. Nya alai anang enda ingat ke rumah panjai lebuh kitai lelang, lebuh kitai diau ba menua bukai. Naka tu dulu meh awak aku mantaika jaku kebuah kenang ba sungai pasirblogger tu. Ya ke bekerja pajak ke bekerja amai-amai anang alah laban pegelimpang bukai. Ya ke besekula ingat ingat ke meh ngagai bup. Anang dudi ari ila kitai nyesal enda sealun enggau kaban ke mujur dalam sekula lalu bulih pengawa ke meruan. Amin Puji Tuhan...Terima Kasih Daud Keladi. Kering ke Ati dalam ICT haha.. jaku Tundi aja anang ringgat au.