Rintaika Cara Ngemandang@promosi Rumah Panjai Sg Pasir Marudi Nyadi Palan Dagang Temuai? Lalu pejuraika penemu kita

Hallo nama berita kita semua , lama enda berandau kitai neh. sunyi bloger tu diatu alu empai bisi cherita serta penemu ke  deka dipantai enggau di rintai aku taun tu. Arap taun ka deka datai ulih mai ubah ngagai kitai semua nitih ka juluk  ati diri ngambi ka lebih manah ari taun ka udah. Ka sekali tu aku ka mai kita bejuraika siti topik iya nya "cara ngemandangka tauka promosi  Rumah panjai Sg Pasir nyadi palan dagang temuai"? 

UBAH CHARA NGENA INTERNET BA REBAK BARU

Minta ampun bala menyadi perut janik kaban perut ikan ngarap ke kitai seruran limpang nyenguk ruai tu. Kadang kadang kitai enda nemu nama peluang ka patut di tujah kitai dalam ngemaju ke diri empu , ruang bilik , bansa enggau menua. Ba dunya ke penuh teknologi baka serak ka baru diatu mayuh orang bedau nemu peluang ke melumpa ba dunya nadai tekat tauka ka sempadan . Mayuh bendar peluang nya enda di serunkai bala kitai ba kumuniti ba menua pesisir. Ba saut tanya tu nama utai ke ngasuh kitai agi bedau sesingkang baka orang bukai? Nama utai ke nanggul ari semua tu nyadi?..
           Ditu aku ngelansa serta ngenang nama kebuah kitai sesingkang baka orang bukai. Ba senentang tu mayuh kitai nemu ari gaya perati peda ayas mata. Nembiak serak ka baru diatu mayuh udah nemu ngena sosial media, baka Facebook, We chat , whassap enggau mayuh agi ke bukai. Ari mayuh semua tu ni penyampau sida tu nemu nyidi utai ke beguna ba internet? Bisi enda sida nemu nama penguntung ti orang nemu nyidi guna rama internet. Mayuh agi bala kitai diatu empai berani napi dunya ka mayuh penguji diatu. kebuah pia ,laban serak dunya diatu ti nuan lubah nuan terus tinggal belama ya ti enda ngansak buah fikir semina nemu main game, sosial media ngagai pikir nyidi peluang pengawa puang, peluang bedagang, enggau peluang nampung pelajar. Angkat meh bujang enggau dara ,anak  enggau uchuk rebut peluang depan mata kita. Nyadi orang ka Adventure ukai semina diau jenuh nganti bulan labuh ka tapa. Anang malu nanya enggau orang ke nemu agi. Nyadi tu rintai Peluang ke patut temu kita E-rezeki, e-requiment, SPA, SPP, Jobmalaysia, enggau mayuh agi kebukai. Ngagai bala ti deka bedagang kita tau meda ba Pemodalan Natiaonal Berhad.
          Penanggul ti selalu nuntung ianya, utai ti nekul kitai ari pemujur perkara tu,. Nyadi diatu penanggul ti serura nekul ianya akses pengelaju internet ba menua pesisir . Dia kitai meda nembiak kitai di menua persisir cukup jarang bulih penguntung ti dibanding enggau sida ba kandang negeri ti semanpai ba tunjuk jari. Dia kitai mayuh amai tinggal informasi ke benung di pekit bala mensia ba menua.Arap sapa MP ke megai menua mereti agi ke pekara tu ti sida amai sayau ke rakyat. Laban utai ti beguna ba dunya serak diatu enti di banding kitai kelia seruran ngena manual procedure . 
       nyadi naka tu aja lansa kenang aku ngagai semua kita. Arap ka lansa tu ulih mai pemujur ngagai nembiak rebak baru kitai ngubah mind set semampai mikir utai ke mai penguntung serta ngemansang ke diri empu. Terima kasih.
Anang kitai sempama baka Pipit di tisi langit deka di sumpit , Rusa ba pala tangga enda di emparu

PESAN NYADI KA TENGGAU ENGGAU LALAU NEMPUH TAUN KA DATAI

selamat taun baru ari aku pengarang sidang sungai pasir blogger. Arap ka juluk ati kitai bisi terjapai taun tu, ti enda bai ngagai taun baru ngambi ke utai ke diperambu terus di kemujur ngambi ka kitai bulih limpah bulih tuah ba taun ti deka datai. Anang malu bertanya enggau kaban belayan ti ka mujur dalam sekula enggau pengawa. Arap ke semua bala kitai ke gawa terus angkun ngereja pengawa dalam kitai ngirup tang kitai anang enda gawa ngemaju ke diri. Arap ka semua kitai anang leju enggau pengawa ti udah terima gaji, inggat meh hari 123 ko orang. Bah naka tu dulu au terima kasih
BYe Vye. Anang Nganu auk .. nadai rugi kita

ADAT MELAKI BEBINI

Tanya Indu

Posted on August 7, 2012 | Leave a comment

Di kena nyadika jaku pemuka senentang leka main tanya indu tu, dulu aku ngenang ngelansa pasal kitai Iban ti merambu deka jadi melaki bebini nitihka adat enggau sempekat asal kitai bansa. Nyadi, chara tauka adat kitai Iban jadi melaki bini tu bisi 3 macham. Iya ke-terubah iyanya “Nanya Indu”, ke-2 nya “Anjung Lekaki”, lalu ke-3 nya “Nama ke Diri”.
“Nanya Indu” tu pengawa Adat, lalu “Tanya Indu” tu pengawa ti bebungaika jaku maya pengawa “Nanya Indu”. Selalu iya, enti orang besebutka pengawa ti Nanya Indu, dia dih indu deka nitihka lelaki pulai ke menua iya, pulai ke lelaki, reti iya “Nguai” ke lelaki. Terang enggau silik ke-agi senenang ripih pengawa Nanya Indu tu deka dikenang aku dalam karang ti nangkan ke tu ila. Chara ti jadi melaki bini ngena pengawa “Anjung Lelaki” mai reti lelaki “Nguai” ke indu. Lalu adat “Nguai” ti dibai ngena chara “Nama ke Diri” nya bepanggai ba sapa ti nama ke diri ngagai ruang bilik sapa. Enti lelaki nama ke diri, reti iya lelaki nya deka nguai ke indu, lalu enti indu nya nama ke diri ngagai lelaki, reti iya indu nya deka nguai.
Leka ka kitai dulu kenang ngelansa nya tadi, kitai pulai ngenang karang kitai ke sekali tu. Pengawa tauka atur Nanya Indu tu mih ti nyadi sereta mengkang dititih sereta dikena bejadika orang ti deka jadi melaki bini bepun ari kelia nyentukka seharitu. Taja pan kitai Iban di rumah panjai enggau mengeri diatu udah tebal agi jadi melaki bini ngena jalai ti moden, jalai atur adat sigi dipejalaika kitai taja iya enda chulin baka ti dulu, tang ripih pengawa nanya indu nya sigi bisi alaika apai indai lelaki deka dulu mesu ngagai apai indai indu, bebungaika jaku madahka anak bujang diri bisi merambu deka ngambi anak indu sida iya nyadika bini.
Bepanggaika jaku aya Guang Ganda, 74 taun ianya siku lemambang ari Tanjung Sikup, Melupa Saratok lebuh maya iya ditanya ba rumah sida apin lama, iya mandangka jaku “Nunda batang adat Iban kelia, enti lelaki udah mutuska diri deka nyadi enggau indu ke alai iya ngayap, bala sida lelaki sebilik baka apai enggau indai sereta kaban belayan ti bukai patut baum lalu nanya sereta ngemaya haribulan deka nanya indu nya”.
Kena ngepunka pengawa nanya indu, bala ari sepiak lelaki nganjung raban ti mit ngagai sepiak indu. Raban tu mih ti selalu nyengkaum bala sida sebilik tang enda mai apai indai indai indu nya empu, laban raban keterubah tu sigi bala aya enggau ibu lelaki nya, tau kekadang dua tiga iku aja semina dikena bebunga jaku. Reti nya tadi kena ngisik ngagai bala apai indai indu pasal bisi lelaki ke bisi perambu deka nyanay indu nya nyadi ke bini tauka madah bisi apai indai lelaki deka minta indu nya nyadi menantu sida.
Nangkanka pengawa nya, enti apai indai indu setuju nerima perambu tu, nya baru bala sepiak lelaki lalu terus enggau atur nanya indu munyi ke udah disebut dulu tadi. Raban sida sekali tu lebih mayuh agi tubuh sri raban ke ngepun ke jaku tadi. Apa iya seduai indai lelaki nya mega deka sama enggau raban tu, laban maya ke nanya indu tu mih sida lalu nguai pulai ngagai bilik lelaki, taja pan sigi udah nyengala, reti nanya indu nya sigi tuju iya minta undu nya pulai ngagai bilik lelaki taja pan ukai semua nyadi bakanya, laban bisi agi atur ke dikumbai ngambi indu udah bekau tu ila.
Kelimpah ari nya, ba runding penemu aya Gregory Mawar, iya bisi mandangka enti apai indai indu nya enda tentu nemu bejaku, iya tau ngasuh barang sapa ti landik bejaku ngarika iya. Nya kebuah lebuh Iban nurun ngagai rumah panjai indu ti deka ditanya ke iya nyadi bini, sida suah mai lemambang ti landik bejaku sereta pandai nyadaka leka nanya indu nya awak ke ngarika sida bejaku lebuh sida datai ba rumah indu nya lagi.
Tanya indu ianya mega sebengkah ari leka main ti disadaka lebuh maya orang nanya indu ke bini. Nyadi jaku Tanya indu tu jaku ti besilup reti iya, berambai sereta bebungai. Lebuh maya nanya indu, jaku ti nyemetak nadai dikena orang tang ngena jaku bekarung aja. Baka nya mega, apai enggau indai indu nya pan bisi mega nyediaka orang siku ti landik bejaku awak ke bisi nyaup sida ti nanyaka pejalai sereta nimbal jaku pengari ari sepiak orang ti lelaki. Nya alai, rindu amat kitai ninga sida iya betimbal-timbal jaku lebuh beruruska atur nguai enggau enda nguai tauka ngatur adat bebini belaki

sumber : https://www.blogger.com/blogger.g?blogID=256623417428770075#editor/target=post;postID=4970777605335504272

Pengarang: Allen charlie

Mereti ka Main asal kitai iban enggai ke punas dudi ari

Asal Penatai Timang

Posted on August 7, 2012 | 1 comment

Dalam leka main timang, kitai suah ninga nama timang jalung, timang kenyalang enggau timang tapang. Pengawa timang (chants) tauka pengap tu endang iya bekaul enggau pengarap lama kitai Iban ti dikumbai beburung. Sebedau  pengawa  nimang tu berengkah, piring deka disediaka dikena mujuk tauka nundukka semengat sida ti dikangauka.
Pun penatai timang tauka pengap tu endang iya sigi ari asuh antu tauka Petara ti dikumbai Lang Sengalang Burung. Agi kelia menya, mensia enggau jelu segulai pendiau. Nyadi, hari siti, Lang Sengalang Burung belaya berebutka rian (tandan rian melunjung) enggau Apai Keling, Ribai sereta Sabit  Bekait. Nitihka jerita, pun rian tu ulih ngasilka mayuh macham buah. Nya alai pun tu diperebutka bala sida sebuat nya tadi.
Beduduk ari laya nya ngujungka sida empat tu tadi enda ulih sependiau agi. Nya alai, Apai Keling lalu pindah ngagai Panggau Libau. Ribai pindah ke menua ngilah tasik. Sabit Bekait Anchung Selung Bebelit pindah ke Tuchung Besanjung Sinjang Tati Redai Isang (Towering Bridge) mindah ke langit lalu bala Iban pindah ke Batang Ai. Sebedau bala Iban pindah ke Batang Ai, Lang Sengalang Burung, Apai Keling, Ribai enggau Sabit Bekait madahka bala Iban jalai ke menua sida iya. Enggau nya, sida ngasuh bala Iban mengap tauka nimang ngambika sida nemu kitai Iban ngangauka sida.
Lebuh sida ninga nama jalai ti disebut dalam timang tauka pengap nya, sida nemu tekala nya bala Iban minta tulung. Lang Sengalang Burung enggau bala Iban agi meruan manah enggau pangan diri laban seduai nadai enggau berebutka rian maya nya. Sida iya agi sepengabang tang sida ke bukai terus enggai bepeda lalu bemunsuh enggau pangan diri.

Iban Nyukung PENEMU IBAN!

 

Sumber: https://ibanpedia.wordpress.com/category/main-asal-iban/leka-main-invokasyen/timang/

Pengarang Allen Charlie

Nybak sebulan cover

PERANSANG JAKU NENGAH ANDAU PENGUJI

Semina gambar pengias

Ba dunya baka kediatu kitai ke begelar mensia ti penuh chabar, pemar enggau pemerinsa. Kualiti pengidup pemadu beguna dalam kitai siku-siku. Munyi ko jaku ribai (resilience) enda mudah patah semengat. kitai mesti liat ati ngereja siti pengawa enggau penyabar lebuh maya napi pemar enggau pemedis. Baka kita ke sekula bebendar meh anang nanguh kerja rumah, taja pan tusah tang kita mesti bertanya laban bisi jalai bukai di kena mutar ka ya. Baka sida ke benung begiga pengawa anang mudah patah pengarap kadang2 peluang nya bisi maya deka datai.